Pwòf Ansanm se yon rezo edikatè ki kwè edikasyon dwe bay chak moun fòs pou amelyore lavi l ak kominote li. Pwòf Ansanm fonde an septanm 2004, kòm yon òganizasyon benevòl, ki depann sou patisipasyon volontè pou l mache. Li anrejistre nan Pènsilvani, Ozetazini, e li gen estati legal 501(c)3. Pwòf Ansanm ap lanse travay tèt ansanm ki anvizaje bezwen edikatif, epitou òganizayon Pwòf Ansanm soutni jefò pou mete kanpe asosiyasyon kominotè ki pran responsablite pou devlòpman edikatif pa yo.

Bi E Objektif

Misyon

Bi Association Pwof Ansanm la pou l pwomote inisyativ andedan Ayiti ki chita sou bezwen edikasyonèl. Asosyasyon sa a sipòte pwogram ak moun ki gen pou bi amelyore edikasyon an(n) Ayiti atravè trening pou anseyan, devlopman korikilòm, e materyèl didaktik. Atravè yon tèl pwogram. PWOF ANSANM espere, pozitivman, enfliyanse sistèm edikatif la pa:

  • Kreye yon kòporasyon etnik nan edikasyon ant Ayisyen e enstitisyon edikasyonèl etranje.
  • Kreye yon ansanm trening, pou anseyan, ki adrese bezwen ijan sistèm lekòl yo.
  • Elve enpak (efè) pwogram volontè edikasyonèl an(n) Ayiti kote pou founi resous avèk gid, epi fasilite kominikasyon.
  • Kreye rechèch akademik ki an rapò ak Edikasyon Ayisyen pa Ayisyen e savan etranje.

    Objektif

    PWOF ANSANM vize amerlyore kalite edikasyon an(n) Ayiti kote l ofri sèvis sipò epi ankouraje echanj kominikasyon ant Ayiti e peyi devlope yo.

    Pwogram nan vize:

  • Founi trening kiltirèl e lengwistik ki apopriye, materyèl pou korikilòm, epi resous ki anndan peyi a pou pwogram edikasyonèl ak volontè
  • Founi resous pou kominikasyon – devlope epi mentni yon pajwèb edikasyonèl, founi kontak ak konsiltan endepandan, mentni aksè gouvènmantal, (ak) inivèsite e ajans non-gouvènmantal k ap envesti nan edikasyon Ayisyen
  • Mete resous pou volontè yo ansanm avèk bezwen yo epi enterè kominote edikasyonèl ayisyen an.
  • Sipòte desen, devlopman ak pwodiksyon materyèl edikasyon modèn (liv, tchat, kat jewografik, gid pou anseyan, elt.) epi bonjan distribisyon yo nan kominote edikasyonèl la.
  • Trening (estaj) pou anseyan nan itilizasyon pratik edikasyon modèn avèk materyèl ki disponib.

    PWOF ANSANM sipòte òganizasyon ki vize pratik anseyman modèn, ki ankouraje e respekte diyite imèn e prensip demokratik, ki pral adapte epi devlope zouti pou anseye oubyen metòd apopriye a bezwen dezi devlopman yon Ayiti modèn.